August 2019
Góðu limir og áhugað
Nú kunnu vit aftur gleða okkum til ein nýggjan dansivetur við fjølbroyttari undirvísing fyri bæði børn og vaksin, byrjarar og vand við okkara frálíku dansilærarum.
Nýtt í ár er holdið Linedansur vand, sum ger at holdið Linedansur lættari vand verður minni krevjandi, so fleiri kunnu vera við.
Fólkadansur fyri børn hósdag er broytt soleiðis, at tað eisini er fyri yngri børn við kanska øðrum avvarðandi enn foreldrum (omma og abbi t.d.).
Fyri at fáa nýggjar fólkadansarar bjóða vit nú Fólkadans fyri byrjarar hóskvøld kl. 18.30 10 ferðir ókeypis fram til jólar, so kom og royn.
Og fyri tey, sum hava hug at dansa á fleiri holdum, er fyrsta holdið til fullan prís og tað ella tey fylgjandi eru til hálvan prís.
Byrjað verður viku 39 (frá 23/9), tó fólkadansur týskvøld frá 17/9 og standard dansur frá 9/10.
Dansað verður 20 kvøld tilsamans, tó standard dansur 16 kvøld.
Mánadagur | Týsdagur | Mikudagur | Hósdagur |
17.30 - 18.45 Linedansur byrjarar v/ Hervør og Birgir Kostnaður 1000 kr | 18.00 - 18.50 Fólkadansur fyri børn frá 3. flokki v/Sharon og fleiri Kostnaður 400 kr | 17.30 - 18.30 Standard dansur byrjarar v/Annu Sofíu og Karl Kostnaður 900 kr | 17.30 - 18.15 Fólkadansur fyri børn og avvarðandi v/Marnu, Helenu og Karstin Kostnaður 400 kr |
19.00 - 20.15 Linedansur byrjarar + v/Hervør og Birgir Kostnaður 1000 kr | 19.00 - 21.00 Fólkadansur við livandi tónleiki v/Sharon og fleiri Kostnaður 1200 kr | 18.45 - 19.45 Standard dansur lættari vand v/Annu Sofíu og Karl Kostnaður 900 kr | 18.30 – 19.15 Fólkadansur fyri byrjarar v/Marnu, Helenu og Karstin Ókeypis 10 ferð |
20.15 - 21.45 Linedansur lættari vand v/Anniku J Kostnaður 1000 kr | 21.00 – 22.30 Linedansur vand v/Anniku J Kostnaður 1000 kr | 20.00 – 21.00 Standard dansur vand v/Annu Sofíu og Karl Kostnaður 900 kr | 19.15 – 20.45 Fólkadansur vand v/Marnu, Helenu og Karstin Kostnaður 1000 kr |
| | | 20.45 – 21.45 Tango fyri byrjarar og vand v/Anniku W og Sverra Kostnaður 900 kr |
Tilmelding og betaling fer fram á heimasíðuni dansifroi.fo. Har liggur eisini ein vegleiðing, men um tú hevur problemir við tilmeldingini kanst tú fáa hjálp í Dansifrøi sunnudagar í september kl. 3-4
Tá tú ert tilmeldað(ur) eitt dansiskeið er tú limur í Dansifrøi og kanst luttaka í teimum tiltøkum, sum Dansifrøi skipar fyri (børn tó við samtykki frá foreldrum). Um tú ynskir at halda fram sum limur uttan dansiskeið mást tú gjalda limagjald, sum er 200 kr um árið.
Dagfest tiltøk hendan veturin eru
26. oktober 2019 Hugnakvøld við fólkadansi og tango
2. november 2019 Hugnakvøld við linedansi og standarddansi
1. februar 2020 Ársveitsla
9. februar 2020 Ársaðalfundur
14. mars 2020 Avdansidagur
Meiri kunning um hesi tiltøkini kemur seinni.
Við dansikvøðu
Nevndin